بەرپرسی دابین کردنی چەکە قورسەکانی پەکەکە، لە سووریا کوژرا
پوختەی هەواڵ
بەشی تورکیا- دەزگای هەواڵگریی تورکیا ئیدیعا دەکات بەرپرسی دابین کردنی چەکە قورسەکانی پەکەکە، لە سووریا لە ئۆپەراسیۆنێکدا کوژراوە.
بەپێی هەواڵی کوردپرێس، دەزگای هەواڵگریی نیشتمانیی تورکیا (میت)، بڵاوی کردەوە لە ڕومەیلان لە باکووری سووریا، فەخرەددین تۆلون-ی کوشتووە، کە ناوە نهێنییەکەی خەیری سەرهات-ە و بەرپرسی دابین کردنی چەکی قورس بوو بۆ پەکەکە/یەپەگە و لەلایەن ئینتەرپوڵەوە داواکراو بوو.
بەپێی زانیارییەکانی ئانادۆڵۆ تۆلون کە لە ساڵی ١٩٩٢ەوە لە سووریا و عێراق و وڵاتانی دراوسێ چەکی قورسی بۆ پارتی کرێکارانی کوردستان دابین کردووە.
هەروەها تۆلون کە لەلایەن دادگاکانی سزای قورسی ئیغدر و ئەرزەڕۆمەوە بە تاوانی "ئەندامبوون لە ڕێکخراوی تیرۆریستیی ئامانجدار" پەڕاوی بۆ کرابوویەوە.
بۆچوونی بەکارهێنەران