بەپێی هەواڵی کوردپرێس، عه‌لى حه‌مه‌ساڵح ڕاپۆرتێكى كۆمپانیاى گه‌نه‌ڵ ئێنرجى بڵاو كردۆته‌وه‌ تێیدا هاتووه‌،  ئاستی بەرهەمی نەوتی ڕۆژانە لە ناوچەی گرێبەستی تاوکێ (۲۵ هەزار و ۹۸۰) بەرمیل بووە، بەراورد بە چارەکی یەکەمی ئەمساڵ کە ڕۆژانە (۹۳ هەزار و ۸۸۰) بەرمیل نەوت بەرهەمەکەی بووە، بە رێژەی (۷۲%) دابەزیوە.

ئه‌وه‌ش خراوه‌ته‌ڕوو،  لە چارەکی سێیەمی (۲۰۲۳)دا ئاستی بەرهەمی نەوتی ڕۆژانە، لە کێڵگەی نەوتی تەق تەق بە ڕێژەی (۱۰۰%) دابەزیوە. بەراورد بە چارەکی یەکەمی (۲۰۲۳) کە تێیدا رۆژانە (۳ هەزار و ۶۱۰) بەرمیل نەوتی رۆژانە بەرهەمی هەبووە.

ڕاگرتنى هه‌نارده‌كرن و جێهێشتنى كۆمپانیا بیانیه‌كان و هه‌وڵدان بۆ كۆنترۆڵ كردنى نه‌وتى هه‌رێم له‌لایه‌ن ناوه‌نده‌وه‌ ئاستى به‌رهه‌مهێنانى نه‌وتى به‌ته‌واوى لاواز كردووه‌.