لە هێرشێکی داعشدا ۵ سەربازی سوپای سووریا کوژران
پوختەی هەواڵ
بەشی سووریا- لە هێرشێکی چەكدارانی داعش، بۆسەر بارەگاکانی سوپای سووریا لە باشووری دەشتی حومس ۵ سەرباز کوژران.
بەپێی هەواڵی کوردپرێس، ڕوانگەی مافی مرۆڤی سووریا ڕاگەیاندووە، چەكدارانی داعش هێرشیان کردووەتە سەر خاڵێكی هێزەکانی حکوومەتی ناوەندیی سووریا و بارەگای لیوای قودس لە ناوچەی ڕەسافە و دەشتی حومس.
ئەوەش خراوەتەڕوو، چەکدارانی ڕێکخراوەکە هێرشیان کردووەتە سەر شوێنە سەربازییەکانی هێزەکانی حکوومەت لە نزیک ناوچەی جەعبدین لە ڕەققە و هەروەها نزیک شاری تەدمور لە گوندەواری ڕۆژهەڵاتی حومس.
هێرشەکە بووەتە هۆی کوژرانی پێنج ئەندامی هێزەکانی سووپای سووریا و برینداربوونی چەند سەربازی دیکە لەنێو ئەو هێزانەدا.
شایەنی باسە سێ هێرشی ئەم دوایەی داعش بۆ سەر بارەگای هێزەکانی حکوومەتی ناوەندیی سووریا لە پێدەشتەكانی سووریا بووەتە هۆی کوژران و بریندار بوونی نزیکەی ۵۰ سەرباز.
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران