میت کوژرانی بەرپرسێکی باڵای PKKی لە باکووری عێراق ڕاگەیاند
پوختەی هەواڵ
بەشی تورکیا- دەزگای هەواڵگریی نیشتمانیی تورکیا کوژرانی بەرپرسی نامەبەریی پەکەکەی لە عێراق-سووریا، لە ئۆپەراسیۆنێکدا لە ناوچەی گارا ڕاگەیاند.
کوردپرێس: بەپێی ئەو زانیارییەی لە سەرچاوە ئەمنییەکانەوە دەستی ئانادۆڵۆ کەوتووە، قەدری ئەنجو بەرپرسی نامەبەریی پەکەکە لە عێراق-سووریا، لە ساڵی ٢٠٠٦دا پەیوەندی کردووە بە ڕیزەکانی ڕێکخراوەکەوە و لە ناوچەی زاپ-ی عێراق مەشقی ڕێکخراوەیی بینیوە.
ئەنجو لە ساڵانی ٢٠١٥-٢٠١٧دا کاری پاسەوانی بۆ ئەندامی ئەنجوومەنی بەڕێوەبردنی پەکەکە/کەجەکە، دوران کاڵکان کردووە و لە کانوونی دووەمی ٢٠١٨دا وەک بەرپرسی نامەبەری عێراق-سووریا چووەتە ناوچەی گارا.
ئەنجو سەرپەرشتیی گواستنەوەی ئەندامان و چەکەکانی پەکەکە کردووە لە نێوان عێراق و سووریادا.
قەدری ئەنجو کە ناوە نهێنییەکەی ''دۆغان'' بوو لەلایەن میتەوە خرایە ژێر چاودێرییەوە و لە ناوچەی گارا دۆزرایەوە.
بۆچوونی بەکارهێنەران