بەپێی هەواڵی کوردپرێس، لەماوەی رابردوو، لە سۆشیال میدیا بڵاو کرایەوە، کە ناکۆکی لە نێوان سەرکردەی ئەنجومەنی سەربازیی دێرەزوور ناسراو بە ئەبوخەولە و هێزەکانی سووریا دیموکرات (هەسەدە) هەیە، بەبێ ئەوەی ئاماژە بە ناوەرۆکی ناکۆکییەکە بکرێت.

ئەبوخەولە، لە چاوپێکەوتنێکدا لەگەڵ کەناڵی ئەسمانی "رۆناهی" ئاماژەی بەوەکرد، جیاوازیی دید و بۆچوونەوەکان لە ڕێگەی سەرکردایەتی گشتی هەسەدە چارەسەر دەکرێت، گوتی: "من ئەندامی فەرماندەیی گشتیی هێزەکانی سووریا دیموکراتم، کەواتە چۆن دەتوانم لەگەڵ خۆمدا ناکۆک بم"؟

ئەبوخەولە سەبارەت بە بڵاوەپێکردنی هێزەکانی ئەنجومەنی سەربازی دێرەزوور لە چەند ناوچەیەکەدا، گوتی: "بڵاوەپێکردنی هێزی ئەنجومەنی سەربازی دێرەزوور لە دوای زیادبوونەوەی جموجۆڵی شانەکانی داعش لەو ناوچەیەدا".