سوپای تورکیا بەردەوامە لە بۆردوومان کردنی ناوچەی برادۆست
پوختەی هەواڵ
بەشی تورکیا- دوو رۆژە فڕۆکە جەنگییەکانی تورکیا بۆردوومانی دەڤەری برادۆست دەکەن.
بەپێی هەواڵی کوردپرێس، ئیحسان چەلەبی، قایمقامی سیدەکان بە تۆڕی میدیایی رووداوی راگەیاندووە: لە بۆردوومانەکاندا مێرمنداڵێک کە ماڵیان لەو ناوچەیە نزیکە و بۆ مەبەستی ئاژەڵداری لەو سنوورە نیشتەجێن، بریندار بووە.
قایمقامی سیدەکان گوتیشی، بەردەوام فڕۆکەی چاودێری بەسەر ئاسمانی سنوورەکەدا دەسووڕێتەوە و ناوەناوە بەرزاییەکانی سنووری سیدەکان بۆردوومان دەکات.
ئەو شوێنانەی ئەمڕۆ و دوێنێ بۆردوومان کراون نزیکن لەو شوێنانەی کە دەیان ماڵی هاونیشتمانییانیان تێدان، کە لەم وەرزەدا بۆ کاری ئاژەڵداری و کشتوکاڵکردن لەو ناوچە سنوورییانە نیشتەجێن.
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران