دەسەڵاتدارانی هەولێر ڕێگری دەکەن لە گەڕانەوەم بۆ ناو خاک و وڵاتم
پوختەی هەواڵ
بەشی عێراق و هەرێمی کوردستان- ئەدهەم بارزانی رایگەیاند "ئەمڕۆ ساڵێ تێدەپەڕێت بەسەر بڕیاری ناڕەوای دەسەڵاتدارانی هەولێر و دهۆک کە پاش دەرچوونم لە کوردستان لە بەرواری ٥ی٦ی٢٠٢٢، و ڕێگریکردنیان لە گەڕانەوەم بۆ ناو خاک و وڵات و میلەت و خزم و کەسوکار و ماڵ و منداڵم".
بەپێی هەواڵی کوردپرێس، ئەدهەم بارزانی ئامۆزای سەرۆکی پارتی دیموکراتی کوردستان لە راگەیەندراوێکدا دەشڵێت: "هەرچەندە ئەم ڕێگریانە نەبوونەتە هۆکارێک بۆ بەرپەرچدانەوە و هەڵوێستی توند دەربڕین، سەرەڕای ئەوەی کە هەندێک جار لە حەسرەت و دووری وڵات و میلەت و کەس و کارەکەم هەڵچوون ڕوویداوە، بەڵام ئەمانە سروشتی مرۆڤە و کاردانەوەیە نەک کار".
ئاماژە بەوەش دەکات: "هۆکاری ئەم ڕێگریانەش تەنها دەربڕینی هەڵوێست و بۆچوونەکانم بوون لە سەر هەندێک بابەت کە لە پەڕەی تایبەتی خۆم لە فەیسبووک دامبەزاندبوون".
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران