بەپێی هەواڵی کوردپرێس، عاسم جەواد، وتەبێژی وەزارەتی نەوتی عێراق لە وەڵامی  پرسیاری رۆژنامەنووساندا لەبارەی هەناردەی نەوتی هەرێمی کوردستان و ئەو کێشانەی کە لەنێوان عێراق و تورکیادا دروست بووە، رایگەیاند: "گشت ئەو رێکارە هەڵپەسێردراوانە چارەسەر دەکەین لەهەناردەی نەوتەکەدا هاتوونەتە پێش و لە ئێستادا چاوەرێی وەڵامی تورکیا دەکەین".

لەلایەکی دیکەوە ئاژانسی بلۆمبێرگی ئەمریکی بڵاوی کردەوە، بەرپرسانی تورکیا لە ئێستادا چاویان لە بەڕێوەچوونی هەڵبژاردنی ناوخۆیی وڵاتەکەیانە کە بڕیارە سبەینێ بەڕێوەبچێت، هاوکات دەیانەوێت پێش دەست پێکردنەوەی هەناردەی نەوتی هەرێم لەرێگای بەندەری جەیهانەوە لەگەڵ دەسەڵاتدارانی عێراق پاکتاوی ئەو 1.5 ملیار دۆلارە بکەن، کە بەپێی بریاری دادگای پاریس کەوتوەتە ئەستۆی تورکیا.