ئەمریکا کوژرانی سەرکردەیەکی قاعیدەی لە ناوچەکانی ژێرکۆنترۆڵی تورکیا لە باکووری سووریا ڕاگەیاند
پوختەی هەواڵ
بەشی سووریا- هاوپەیمانی نێودەوڵەتی بۆ شەڕی دژی داعش بە سەرۆکایەتی ئەمریکا هێرشێکی لە رێگەی فڕۆکەی بێفڕۆکەوانەوە لە باکووری ڕۆژئاوای سووریا ئەنجام داوە و سەرکردەیەکی باڵای قاعیدە کراوەتە ئامانج.
بەپێی هەواڵی کوردپرێس، فەرماندەیی ناوەندیی ئەمریکا (CENTCOM) بڵاویکردەوە، نیوەڕۆی ڕۆژی چوارشەممە هێزەکانی ئەمریکا "هێرشێکی یەکلایەنەیان" لە باکووری ڕۆژئاوای سووریا ئەنجام داوە، تیایدا بەرپرسێکی باڵای قاعیدە کرایە ئامانج و بەهۆیەوە کوژراوە.
لایخۆیەوە ژەنەڕاڵ ئێرک کوریلا، فەرماندەی باڵای سوپای ئەمریکا بۆ ڕۆژهەڵاتی ناوەڕاست باسی لەوەکردوە: "هێرشەکەی ڕۆژی چوارشەممە پابەندبوونی چەسپاوی سێنتکۆم بە ناوچەکە و شکستی هەمیشەیی داعش و ئەلقاعیدە دووپات دەکاتەوە".
بۆچوونی بەکارهێنەران