ڕۆژنامەی حورییەت: سلێمانی خراوەتە لیستی ئۆپەراسیۆنەکانی تورکیاوە
پوختەی هەواڵ
بەشی تورکیا- ڕۆژنامەیەکی تورکی دەڵێت شاری سلێمانی لە هەرێمی کوردستان بۆ لیستی ئۆپەراسیۆنەكانی توركیا لە باكووری عێراق زیاد کراوە.
بەپێی هەواڵی کوردپرێس، ڕۆژنامەی حورییەت-ی تورکی لە ژمارەیەکی نوێیدا ئاشکرای کرد، توركیا شاری سلێمانی خستووەتە ناو لیستی ئەو شارانەی كە لەژێر كۆنتڕۆڵی پارتی كرێكاران و یەكینەكانی پاراستنی گەلدان، كە مەخموور و قەندیل و شەنگال دەگرێتەوە و لە چوارچێوەی ئەنجامدانی ئۆپەراسیۆنە سەربازیەكانیدایە.
هەر بەگوێرەی ڕۆژنامە تورکییەکە، ڕۆژی ۳ی تەمموز وادەی داخستنی ئاسمانی تورکیا بەڕووی سلێمانی کۆتایی دێت، دوای ئەوە ئەنقەرە هەڵسەنگاندن بۆ بڕیارەكەی دەكاتەوە لەسەر سێ پێوەر.
۱- بەردەوامی هاتوچۆ لە سلێمانیەوە بۆ باكووری سووریا.
۲- ڕاهێنان بەهێزی چەكدار لە سلێمانی.
۳- بەردەوامیی پەیوەندی بافڵ تاڵەبانی لەگەڵ سەركردەی پارتەكانی كوردستانی تورکیا و سووریا.
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران