48 حاڵەتی نوێی تووشبوون بە کۆرۆنا لە کوردستانی سووریا تۆمار کرا
پوختەی هەواڵ
بەشی سووریا- دەستەی تەندروستیی ئیدارەی خۆسەری باکووری سووریا لە بەیاننامەیێکدا ڕایگەیاند لە ماوەی 24 کاتژمێری ڕابردوودا 48 هاووڵاتیی دیکە تووشی کۆرۆنا بوون و بەوەش کۆی ئاماری تووشبوون گەیشتە 7 هەزار و 581 کەس.
کوردپرێس:
دکتۆر جوان مستەفا هاوسەرۆکی دەستەی تەندروستیی کوردستانی سووریا رایگەیاند: حەوت حاڵەتی گیانلەدەستدان و (48) تووشبوی نوێی ڤایرۆسی (کۆڤید 19) تۆمارکراوە.
دکتۆر جوان مستەفا گوایشی: پێنج پیاو دو ژن بەهۆی ڤایرۆسی کۆرۆناوە گیانیان لەدەستداوە، توشبوەکانیش (24) کەس لە رەگەزی نێر و (24) کەس لە رەگەزی مێ-ن.
هاوسەرۆکی دەستەی تەندروستی رایگەیاند: لە (24) سەعاتی رابردودا (9) حاڵەتی چاکبونەوەی توشبوان بە ڤایرۆسی کۆرۆنا تۆمارکراوە.
ئاماری گشتی کۆرۆنا لە کوردستانی سووریا:
تووشبووان: 7581
چاکبوونەوە: 1087
گیان لەدەستدان: 241
بۆچوونی بەکارهێنەران