بەپێی هەواڵی کوردپرێس، ڕێکخراوی نێنەتەوەیی میدیا لە ڕاپۆرتێکدا ئەنجامی لێکۆڵنەوەی دۆخی میدیاکانی لە تورکیا لەلایەن 11 ناوەندی نێونەتەوەییەوە خستە ڕوو کە ڕەخنەیان لە پێشێل کردنی ئازادیی ڕادەربڕین لەو وڵاتە گرتووە.

لەو ڕاپۆرتە 25 لاپەڕەییەدا، یازدە ناوەندی نێونەتەوەیی لە بوارەکانی ڕۆژنامەنووسی، ئازادیی ڕادەربڕین و مافی مرۆڤ ئاماژەیان داوە بە نەبوونی ناوەندە سەربەۆکانی دادوەری، دەسگیر کردنی چالاکوانانی میدیایی و تێپەڕاندنی یاسای نوێ لەبارەی تۆڕەکۆمەڵایەتییەکان لە تورکیا و هۆشدارییان داوە پێشێل کردنی مافی ئازادیی ڕادەربڕین لەو وڵاتە خراپتر بووە.

ئەم 11 گرووپە پاش 4 ڕۆژ ڕاسپاردنیان لە تورکیا و هەڵسەنگاندنی دۆخی چاپەمەنییەکانی ئەو وڵاتە، لەبارەی دەستگیر کردن و زیندانی کردنی ڕۆژنامەوانان لە تورکیا و سەربەخۆ نەبوونی دادگاکان هۆشدارییان داوە.

لە ڕاپۆرتەکەدا هەروەها هۆشداری دراوە لەبارەی تەندروستی و ئاسایشی ڕۆژنامەنووسانی بەندکراو لە تورکیا.

کۆدی هەواڵنێر: 60113