بەپێی هەواڵی کوردپرێس، سولەیمان سۆیلۆ، وەزیری ناوخۆی تورکیا ئاماژەی دا بە ئۆپەراسیۆنی هێزە وشکێنییەکانی تورکیا دژ بە چەکدارانی پەکەکە لە ناو سنوورەکانی تورکیا و ڕایگەیاند: ئێمە زانیاریی وردمان لە پێکهاتەی پەکەکە لەناوخۆی تورکیا بەدەستەوەیە و ژمارەی ئەو هێزانە ناگاتە 400 کەس.

ناوبراو درێژەی دا تەنانەت زانیاریی وردیشمان لەبارەی پێکهاتەی ئەم گرووپە لە سووریا، عێراق و ئێران هەیە، ئێمە پێکهاتەی گشتیی پەکەکە بە وردی دەناسین.

وەزیری ناوخۆی تورکیا زیاتر وتی: ساڵی ڕابردوو 200 تیرۆریست لە دەرەوەی وڵات گەیشتوونەتە تورکیا و ئەمساڵ ئەم ژمارەی بۆ 80 کەس دابەزیوە.

سۆیلۆ ئاشکراشی کرد لەناوخۆی تورکیاش ئەمساڵ 41 کەس بۆ تەڤڵ بوون بە پەکەکە-وە چوونەتە چیاکان کە ئەم ژمارەیەش دابەزینێکی بەرچاوی بەخۆە بینیوە لەچاو ساڵانی ڕابردوو.

ڕۆژنامەی میللیەت دەنووسێت، وەزیری ناوخۆی تورکیا لەبارەی بەرەنگار بوونەوەی تیرۆریستانی داعش ڕایگەیاندووە: لە ساڵی 2020دا ڕێگریمان لە 152 هەڵمەتی داعش لە تورکیا کردووە و 26.8 تەن تەقەمەنیش لە ئۆپەراسیۆنەکاندا دەستی بەسەردا گیردراوە.

کۆدی هەواڵنێر: 60113