هێرشە ئاسمانییەکانی تورکیا لە هەرێمی کوردستان درێژەی هەیە
پوختەی هەواڵ
بەشی عێراق و هەرێمی کوردستان- درەنگانی شەوی ڕابردوو فڕۆكە جەنگییەكانی توركیا بۆردوومانی ناوچەی سیدەکانی كرد.
کوردپرێس: بە گوێرەی ئەو زانیارییانەی کە دەست SNN کەوتووە، فڕۆکەکانی تورکیا کاتژمێر یەکی بەرەبەیانی شەوی رابردوو گوندەکانی چیای زراران و گەرووی كایەڕەشک-یان لە سنووری سیدەكان بۆردوومان كردووە.
شایەتحاڵان باس لەوەدەکەن، بەهۆی بۆردوومانەکەوە ترس و دڵەڕاوکێ لای دانیشتوانی ناوچەکە دروست بووە و ناوچەکەیان جێهێشتووە.
ههردوو ئۆپراسیۆنەکانى چنگى ههڵۆ و چنگى پڵنگ له ئێستادا لهلایهن توركیاوه بە هۆی بوونی پەکەکە لە ناوچەکە، لهناو خاكى ههرێمى كوردستان بهڕێوهدهبرێن و تا ئێستا ژمارەیێک هاووڵاتی مەدەنی بوونەتە قوربانی و دەیان گوندیش چۆڵ کراون، جگە لەوەی زیانێکی زۆری بە رەز و باخ و سروشتی ناوچەکان گەیاندووە.
کۆدی هەواڵنێر: 60113
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران