بیرەئاوەکانی حەسەکە ئاوگەیاندن بە گەڕەکەکانیان دەست پێکرد
پوختەی هەواڵ
بەشی سووریا- بەڕێوەبەرایەتیی ئاوی حەسەکە ڕایگەیاند قۆناخی یەکەمی کەندنی بیرەئاوەکان کۆتایی پێهاتووە و ئاوگەیاندن بە گەڕەکەکان دەستی پێکرد.
بەپێی هەواڵی کوردپرێس، پاش بڕینی ئاو لەلایەن سوپای تورکیا و ئەرتەشی ئازادەوە بە ڕووی خەڵکی حەسەکەدا، بەڕێوەبەرایەتیی ئاوی حەسەکە لە پەیامێکدا ڕایگەیاند قۆناخی یەکەمی کەندنی بیرەئاوەکان کۆتایی پێهاتووە و ئاوگەیاندن بە گەڕەکەکان دەستی پێکردووە.
هاوار نیووز لەمبارەوە زیاتر نووسی لەچوارچێوەی چالاکییەکانیاندا ئاوێک کە لە گەڕەکی عەزیزییە عەمبار کراوە لەو گەڕەکە و لە گەڕەکەکانی ساڵحیە، تەڵایی، خیمشین و موفتیدا دابەش دەکرێت.
بەڕێوەبەرایەتیی ئاوی حەسەکە لە درێژەی پەیامەکەیدا ئاشکرای کرد: ئەو ئاوەی کە دابەش کراوە لە ئاستێکدا نییە کە هەموو پێداویستییەکانی ئاوی حەسەکە دابین بکات. لە ئێستادا و لە هەنگاوی یەکەمدا تەنها دەتوانین 50 لەسەدی پێداویستیی خەڵک بە ئاو دابین بکەین.
کۆدی هەواڵنێر: 60113
بۆچوونی بەکارهێنەران