جێگری HDP: ئەردۆغان کوودەتاچییە
پوختەی هەواڵ
بەشی تورکیا- جێگری پارتی دیموکراتیکی گەلان لە لێدوانێکدا ڕەخنەی توندی لە شێوەی مامەڵەکردنی پارتی باڵادەست لەگەڵ سەرۆک شارەوانە کوردەکان گرتووە و دەڵێت ئەردۆغان کوودەتاچییە.
کوردپرێس:
گارۆ پایلان جێگری پارتی دیموکراتیکی گەلان ئاماژەی بە لەکارلادانی شارەوانە کوردەکانی سەر بە هەدەپە کردووە و دەڵێت: دانانی قەیوم بۆ شارەوانییەکان لە ڕاستیدا داگیرکردنی ئیرادەی گەلە. ئێمە لە بەرانبەر ئەم سیاسەتەدا هۆشداریمان بە سەرجەم حیزبەکان داوە و هەموو لایەنەکانمان لەبارەی لێکەوتەی خراپی ئەم سیاسەتە ئاگادار کردۆتەوە بەڵام بەداخەوە لایەنە سیاسییەکان نەیانتوانی لە بەرانبەر ئەم سیاسەتە بە شێوەی پێویست هەڵوێست وەربگرن.
ڕۆژنامەی ئۆرەنسل لە زاری پایلانەوە نووسیویەتی: "ئەردۆغان کوودەتاچییە. سیاسەتی کودەتاچییانەی ئەردۆغان پێش یەک ساڵ بە لەکارلادانی شارەوانەکانی ماردین و دیاربەکر و وان خۆی دەرخست. ئەو هەوڵێستەی بەرانبەر بە سیاسەتی کوودەتا لە خۆرهەڵاتی تورکیا هەیە پێویستە لە خۆرئاوای تورکیا هەبێت.
بۆچوونی بەکارهێنەران