34 حاڵەتی نوێی تووشبوون بە کۆرۆنا لە کوردستانی سووریا تۆمار کرا
پوختەی هەواڵ
بەشی سووریا- تەندروستیى كوردستانی سووریا رايگەیاند 34 تووشبووى دیکەى کۆرۆنا لە ناوچەی کوردستانی سووریا تۆمار کرا بەوەش دوایین ئاماری تووشبوون بە ڤایرۆسەکە گەیشتە 253 حاڵەت.
کوردپرێس:
ڕۆژی چوارشەمە 19ی ئابی 2020 دکتۆر جوان مستەفا، هاوسەرۆکى دەستەى تەندروستیى ئیدارەى خۆبەڕیوەبەرى باکوور و رۆژهەڵاتى سووریا رایگەیاند: لە ماوەی 24 کاتژمێری ڕابردوودا 34 هاووڵاتیی دیکەی کوردستانی سووریا تووشی کۆرۆنا بوون و بەوەش کۆی حاڵەتەکانی تووشبوون گەیشتە 253 حاڵەت.
هاوسەرۆکى دەستەى تەندروستیى ئیدارەى خۆبەڕیوەبەرى باکوور و رۆژهەڵاتى سووریا زیادیشی کرد: ئەو 34 کەسەى تووشى ڤایرۆسى کۆرۆنا بوون 21 کەسیان پیاون و 13 کەسیشیان ژنن، هاوکات؛ چاکبوونەوەى هەشت کەسى دیکەیشى لە ڤایرۆسەکە راگەیاند و بەمەش ژمارەى چاکبوونەوە گەیشتووەتە 36 کەس.
ناوبراو ئاماژەى بۆ ئەوەش کردووە کە کۆى تووشبووانى کۆرۆنا لە کوردستانی سووریا گەیشتووەتە 253 کەس و لەو ژمارەیەش 15 کەس گیانیان لەدەست داوە.
بۆچوونی بەکارهێنەران