خومپارەیێک لە نزیک نووسینگەی پارتی لە بەغدا کەوتە خوارەوە
پوختەی هەواڵ
بەشی عێراق و هەرێمی کوردستان- سەرچاوەیێکی ئەمنیی عێراق ڕایگەیاند خومپارەیێک لە تەنیشت نووسینگەی پارتی دیموکراتی کوردستان لە بەغدا کەوتۆتە خوارەوە.
کوردپرێس:
ڕۆژی چوارشەمە 12ی ئابی 2020 ئاژانسی شەفەق نیوز لە زاری سەرچاوەیێکەوە ڕایگەیاند: گوللەیێکی خومپارە لە نزیک نووسینگەی پارتی دیموکراتی کوردستان لە شەقامی ژمارە 52ی ناوچەی کەڕادەی سەنتەری بەغدا کەوتۆتە خوارەوە.
سەرچاوەکە ئەوەشی زیاد کردووە کە تا ئەم کاتەش دیار نیە کێ یان چ لایەنێک خومپارەکەی هاویشتووە بەڵام ڕووداوەکە خەساری ئەوتۆی لێنەکەوتۆتەوە.
ژمارەیێک لە سەرچاوەکانی هەواڵ لە عێراق ڕایانگەیاندبوو کە ئەو ڕووداوە تەقینەوەی بۆمبێک لە نزیک بارەگای پارتی بووە.
بۆچوونی بەکارهێنەران