کوردپرێس:

ڕۆژی چوارشەمە 22ی تەمووزی 2020 کۆبوونەوەی ئەنجومەنی ئاسایشی نیشتمانیی تورکیا بە سەرۆکایەتیی ڕەجەب تەیب ئەردۆغان سەرۆککۆماری تورکیا بەڕێوە چوو و لە کۆتایییدا ڕاگەیێندراوێکی بڵاو کردەوە.

لە ڕاگەیێندراوەکەی ئاسایشی نیشتمانیی تورکیادا نووسراوە ئوپەراسیۆنەکانی دەرەوەی سنووری تورکیا بەردەوام دەبێت ئەوەش لە پێناو بەرپەرچدانەوەی گرووپەکانی داعش و گولەنیستەکان و هەروەها یەپەگە/پەکەکە.

لە بەیاننامەکەی ئەنجومەنی ئاسایشی نیشتمانیی تورکیا نووسراوە ئوپەراسیۆنەکانی دەرەوەی سنوورەکان مافی ڕێگەپێدراوی تورکیایە و لە چوارچێوەی ڕێککەوتنە دوو لایەنەکان لەگەڵ وڵاتانی دیکە ئەنجام دەدرێت و لە ئوپەراسیۆنەکاندا ڕێز لە سەروەریی خاکی وڵاتانی دراوسێ دەگیرێت.

ئەردۆغان گوتیشی: ئوپەراسیۆنەکانی ئێمە شەرعیەتی هەیە و ئەوانەی تانە لە ئوپەراسیۆنە مەشرووعەکەی ئێمە دەدەن و دەچنە پاڵی تیرۆر پێویستە ئەوە بزانن کە لە هەڵەدان.