کوردپرێس: ڤیرجینیا گامبا، نوێنەری تایبەتی نەتەوە یەکگرتووەکان بۆ کاروباری منداڵان و ململانێی چەکداری رایگەیاند نەتەوە یەکگرتووەکان پێشوازی لە بڕیاری هێزەکانی سووریای دیموکرات (هەسەدە) دەکات کە تایبەتن بە بەکارنەهێنانی خوێندنگاکان بۆ مەبەستی سەربازی و بە ئامانج نەگرتنیان لە کاتی ململانێ چەکدارییەکان، ئەو رێکارانە لە چوارچێوەی بنەماکانی پاراستنی مافی منداڵ هەنگاوی ئەرێنین.

ئاماژەی بەوەش کردووە، هانی هێزە ناکۆکەکانی سووریا دەدەن کە هەمان رێکاری هێزەکانی سووریای دیموکرات بگرنە بەر و ناوەندەکانی خوێندن بۆ مەبەستی سەربازی بەکار نەهێنرێن.

14ی ئەم مانگە، فەرماندەیی هێزەکانی سووریای دیموکرات رایگەیاند هێزەکانیان بە هەماهەنگی لەگەڵ بەڕێوەبەرایەتی پەروەردەی ئیدارەی خۆسەری لە باکووری سووریا لەو بنکە و بارەگایانە دەکشێنەوە کە وەکوو خوێندنگا بەکار دەهێنرێن، هەروەها هەسەدە پابەندە بە رێککەوتنی نەتەوە یەکگرتووەکان تایبەت بە پاراستنی منداڵان و دوورخستنەوەیان لە ململانێی چەکداری.

کۆدی هەواڵنێر: 60113