ڕابەری تەریقەتی قادری- بەرزنجی کۆچی دواییی کرد
پوختەی هەواڵ
کوردپرێس:
سەید عومەر بەرزنجی، برازای شێخ مەغدید قەڵانچۆغانی، هەواڵەکەی بۆ تۆڕی میدیایی رووداو پشتڕاستکردەوە و رایگەیاند، ئەمڕۆ شێخ مەغدید قەڵاچۆغانی رابەری تەریقەتی قادری- بەرزنجی بەجەڵتەی دڵ کۆچی دواییکردووە.
سەید عومەر بەرزنجی لەبارەی رێوڕەسمی پرسەکەی گوتی، پابەندین بە رێنماییەکانی حکومەت لەبارەی قەدەخەی پرسە بەهۆی کۆرۆنا و بەو هۆکارە پرسەی بۆ دانەنراوە.
برازاکەی شێخ مەغدید قەڵانچۆغانی رەتیکردەوە کە هۆکاری کۆچی دوایی رابەری تەریقەتی قادری- بەرزنجی کۆرۆنا بووبێت و گوتی، هەموو پشکنینێکی بۆ کراوە و پێیان راگەیاندووین نێگەتیڤ بووە و هۆکاری کۆچی دواییەکەی جەڵتەی دڵ بووە.
شێخ مەغدید قەڵانچۆغانی لەساڵی 1961 لە گوندی قەڵانچۆغان لەدایکبووە و 15 ساڵە رابەری تەریقەتی قادری- بەرزنجییە. بەگوتەی برازاکەی تاوەکو ئێستا کەس وەک جێگرەوەی دانەنراوە و دوای ئەوەی کەسوکارەکەی کۆدەبنەوە کەسێک وەک جێگرەوەی دیاریی دەکرێت.
بۆچوونی بەکارهێنەران