کوردپرێس:

سالار مەحموود ڕاوێژکاری کوردی سەرۆککۆماری عێراق لە راگەیەندراوێكدا ئاماژەی بەوە كردووە، لەدوای دەستبەکاربوونم وەک راوێژکاری سەرۆککۆماری عێراق لە 2019/01/01 تا رۆژی 2020/06/30 بە ویستی خۆم دەستلەکارکێشانەوەم پێشکەشی بەڕێز کاک د. بەرهەم ساڵح، سەرۆککۆماری عێراقی فیدراڵ پێشکەش کرد.

دەقی نامەی دەستلەکارکێشانەوەکەی سالار مەحموود:

بۆ رای گشتی بەڕێز

لەدوای دەستبەکاربوونم وەک راوێژکاری سەرۆککۆماری عێراق لە 2019/01/01 تا رۆژی 2020/06/30 بە ویستی خۆم دەستلەکارکێشانەوەم پێشکەشی بەڕێز کاک د. بەرهەم ساڵح، سەرۆککۆماری عێراقی فیدراڵ پێشکەش کرد. بە سوپاسەوە بەڕێزیان دەستلەکارکێشانەوەکەیان قبووڵ کرد. سوپاسی متمانەی دەکەم لە ماوەی کارکردنمان. بە هیوای سەرکەوتن بۆ تیمی کوردستان لە بەغدا و بەدیهێنانی ئامانجەکانی گەلەکەمان.

رای گشتیی کوردستان و هەموو لایەک ئاگادار دەکەم کە لە رۆژی 2020/06/30ـەوە لەو بەرپرسیارێتییە نەماوم.

وەک هەمیشە لە هەر جێگە و پێگەیەکدا بم هیوا و ئامانجم تەنیا خزمەتکردنی کورد و کوردستانە.

لەگەڵ رێزدا

سالار مەحمود