سوپای ئەمریکا لە ڕۆژهەڵاتی فورات خەریکی پێشڕەوی کردنە
پوختەی هەواڵ
بەشی سووریا- هێزەکانی ئەمریکا لە درێژەی چالاکییەکانیاندا لە حەسەکە بنکەیێکی سەربازییان لە نزیکیی شارۆچکەی سەرسنووری تەل کۆچەر دامەزراندووە.
بەپێی هەواڵی کوردپرێس، سەرچاوە خۆجێییەکان باس لەوە دەکەن، هێزەکانی ئەمریکا کە چەند ڕۆژی ڕابردوویش هەواڵی دامەزراندنی بنکەیێکی ئاسمانییان لە حەسەکە بڵاو کردبوویەوە هەر لە درێژەی ئەو چالاکییانەدا لە نزیکیی شاری سنووریی تەل کۆچەر بنکەیێکی سەربازیی دیکەیان دامەزراندووە.
لەمبارەوە ئاژانسی KRDnews دەنووسێت ئامادەبوونی هێزەکانی ئەمریکا لە شارۆچکەی تەل تەمەر کە لە ڕۆژهەڵاتی حەسەکەدایە و لە باشووریشەوە دەگاتە گوندی ئۆم کەهف و سوامی و حبووب نیشاندەری پێشڕەوی کردنی ئەم هێزانەیە لە ڕۆژهەڵاتی فورات.
هێزە ئەمریکییەکان هەروەها کەرەستەی سەربازییان بۆ ئەم ناوچە گواستووەتەوە و ناوچەکەیان کێوماڵ و پاکتاو کردووە.
کۆدی هەواڵنێر: 60113
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران