بەپێی هەواڵی کوردپرێس، بارش چاکانی تەمەن 20 ساڵان بووە و خەڵکی پارێزگای ئاگری لە کوردستانی تورکیایە و نیشتەجێی شارۆچکەی ئەتیمەسگوتی ئەنقەرەیە، کاژێر 22:30 خولەکی شەوی رابردوو بەچەقۆ هێرشی کراوەتەسەر و کوژراوە.

خێزانی ئەو گەنجە رایانگەیاندبوو، کوڕەکەیان بۆ چوونە پارک لەگەڵ هاوڕێکانیدا چووەتە دەرەوە و بەهۆی ئەوەی گوێی لە میوزیکی کوردی گرتووە گرووپێکی 3 کەسی هێرشیان کردووەتەسەر.

بەپێی زانیارییەکان ئەو کەسانەی هێرشیان کردووەتە سەر چاکان و هاوڕێکانی خەڵکی شارەکانی یۆزگات، کرککالە و تۆکاتی تورکیا بوونە. لە هێرشەکەدا بارش چاکان پێنج چەقۆی بەرکەوتووە کە دووانییان بەر دڵی کەوتووە و لە شوێنی رووداوەکە گیانی لەدەستداوە. تەرمەکەی بۆ نەخۆشخانەی ئۆزەل تەتیماد گوازراوەتەوە و سێ هێرشبەرەکەش دەستبەسەرکراون.

لەمبارەوە سەرۆک پۆلیسی ئەنقەرە دەڵێت، "ئەوانەی ئەم تاوانە بێ بەزەییەیان ئەنجامدا دەستگیرکران و خرانە گرتووخانە.

کۆدی هەواڵنێر: 60113