کوردپرێس: بەپێی ئەو داتایانەی کە لە ماڵپەری وەزارەتی تەندروستیی تورکیا راگەیەندراوە و وەزیری تەندروستی تورکیا، فەخرەدین کۆجا لە توویتەر بڵاویکردووەتەوە، ئەمڕۆ ٢٥ ھەزار و ١٤١ پشکنین ئەنجام دراوە. لەم چوارچێوەیەش ھەزار و ١٥٨ حاڵەتی تووشبوون بە ڤایرۆسی کۆرۆنای نوێ تۆمار کراوە.

راگەیەندرا لە تورکیا لە ماوەی ٢٤ کاتژمێری رابردوودا، ھەزار و ١٥٨ حاڵەتی تووشبوون بە ڤایرۆسی کۆرۆنای نوێ تۆمار کراوە. ٣١ کەس گیانیان لەدەست داوە و کۆی ژمارەی تووشبووان بە ڤایرۆسەکە گەیشتە ١٥٠ ھەزار و ٥٩٣ کەس و کۆی گشتی ئەوانەی گیانیان لەدەستداوە گەیشتە چوار ھەزار و ١٧١ کەس.

ھەر بەپێی داتاکان لە تورکیا، لە ماوەی ٢٤ کاتژمێری رابردوودا، بە زیادبوونی ھەزار و ٦١٥ کەس، کۆی ئەوانەی لە ڤایرۆسی کۆرۆنا چاک بوونەوە گەیشتە ١١١ ھەزار و ٥٧٧ کەس.

لەلایەکی دیکەش وەزیری تەندروستیی تورکیا، فەخرەددین کۆجا لە تویتەر رایگەیاند: "ژمارەی ئەو نەخۆشانەی کە لە چاودێری چڕدان و پێویستیان بە ئامێرە ھەناسەدانی دەستکرد ھەیە لە کەمبوونەوە دایە. ژمارەی حاڵەتەکان لە ئاستی پێشبینیکراو درێژەی ھەیە".

کۆدی هەواڵنێر: 60113