وەزیری تەندروستیی تورکیا نوێترین ئاماری کۆرۆنای لە وڵاتەکەی بڵاو کردەوە
پوختەی هەواڵ
بەشی تورکیا- وەزیری تەندروستیی تورکیا رایگەیاند ژمارەی ژمارەی تووشبووان بە کۆرۆنا لە وڵاتەکەیدا بۆ 139 هەزار و 771 کەس بەرزبووەوە.
بەپێی هەواڵی کوردپرێس، فەخرەدین کۆجا، وەزیری تەندروستیی تورکیا ئاماری نوێی مردووان و تووشبووانی بە ڤایرۆسی کۆرۆنا بڵاو کردەوە و رایگەیاند لە ماوەی 24 کاتژمێری رابردوودا 1 هەزار و 114 تووشبووی کۆرۆنا تۆمارکراون و 55 کەسیش گیانیان لەدەست داوە.
بەو پێیە، ژمارەی مردووان بەهۆی ڤایرۆسی کۆرۆناوە لە تورکیا بووە 3 هەزار و 841 کەس و ژمارەی تووشبووانی تۆمارکراویش بۆ 139 هەزار و 771 بەرزبووەوە.
بە گوتەی فەخرەدین کۆجا، لە 24 کاژێری رابردوودا 3 هەزار و 89 تووشبوو چاک بوونەتەوە، بە گشتی تاوەکوو ئێستا نزیک لە 100 هەزار تووشبوو چاک بوونەتەوە.
کۆدی هەواڵنێر: 60113
بۆچوونی بەکارهێنەران