کۆی گشتیی گیان لەدەست دان بەهۆی کۆرۆناوە لە تورکیا 3000 کەسی تێپەڕاند
پوختەی هەواڵ
بەشی تورکیا- وەزیری تەندروستیی تورکیا رایدەگەیەنێت، لە 24 کاتژمێری ڕابردوودا 89 کەسی دیکە بەهۆی کۆرۆنا لەو وڵاتە گیانیان لەدەست دا بەمەش کۆی حاڵەتەکانی گیانلەدەست دان گەیشتە 3 هەزار و 81 حاڵەت.
بەپێی هەواڵی کوردپرێس، فەخرەدین قۆجە، وەزیری تەندروستیی تورکیا لەتویتێکدا رایگەیاند: "لەماوەی 24 سەعاتی رابردوودا و لەئەنجامی پشکنینەکان 2936 حاڵەتی نوێی تووشبوون بەڤایرۆسی کۆرۆنا تۆمارکراون، هاوکات 89 تووشبووش گیانیان لەدەست داوە، 5231 توشبوی کۆرۆنا چاکبونەتەوە".
وەزیری تەندروستیی تورکیا راشیگەیاند:"بەکۆی گشتی تائێستا ژمارەی تووشبووانی کۆرۆنا لە تورکیادا گەیشتوەتە 117589 کەس و 3081 کەسیش بەو هۆیەوە گیانیان لەدەست داوە، 44040 تووشبووی کۆرۆناش چاک بوونەتەوە.
کۆدی هەواڵنێر: 60113
بۆچوونی بەکارهێنەران