بەپێی هەواڵی کوردپرێس، محه‌مه‌د حه‌لبوسی سه‌رۆکی ئه‌نجومه‌نی نوێنه‌رانی عێراق له‌هه‌ژماری تایبه‌تی خۆی له ‌تۆڕی کۆمه‌ڵایه‌تی تویته‌ر په‌یامێکی به‌زمانی کوردی بڵاو کردوه‌ته‌وه‌ و نووسیویه‌تی: "سڵاو و رێز بۆ هاوڵی چیا، هه‌ڵه‌بجه‌ی خۆراگر و به‌ره‌نگاربوونه‌وه‌".

حەلبووسی راشیگه‌یاندووه‌، ئه‌وه‌تا ئێستا ژیان بنیاد ده‌نێته‌وه‌، دوای تێپه‌ڕبوونی 32 ساڵ به‌سه‌ر یادی کۆمه‌ڵکوژی .

سه‌رۆکی ئه‌نجومه‌نی نوێنه‌رانی عێراق هه‌ر له‌و په‌یامه‌دا ئه‌وه‌ی خستوه‌ته‌ڕوو، "نه‌مری بۆ شه‌هیدان و خۆشه‌ویستی تایبه‌تمان بۆ که‌سوکارمان له‌ هه‌ڵه‌بجه‌ که‌ له ‌ئاسایش و ئاشتیدا ده‌ژی.

16ی ئازاری ساڵی 1988 و لە دواهەفتەکانی وەرزی زستانی ئەو ساڵەدا، شاری هەڵەبجە کەوتە بەرهێرش و شاڵاوی رژێمی بەعسی عێراق و لە رێگەی چەندین فڕۆکەی جەنگییەوە چەکی کیمیاوی کۆکوژی بەسەر خەڵکی شارەکەیدا دەباراند.

کۆدی هەواڵنێر: 60113