فڕۆکەیێکی تورکیا دەڤەری برادۆستی بۆردوومان کرد
پوختەی هەواڵ
بەشی عێراق و هەرێمی کوردستان- فڕۆکەیێکی تورکیا چەند بەرزاییێکی دەڤەری برادۆستی سەر بە هەرێمی کوردستانی بۆردوومان کرد.
کوردپرێس: ئیحسان چەلەبی بەڕێوەبەری شارۆچکەی سیدەکان بە تۆڕی میدیاییی ڕووداوی راگەیاند: "لە کاژێر 03:00ی پاشنیوەڕۆ فڕۆکەیێکی تورکیا هاتە ئاسمانیی ناوچەکە و دوای سووڕانەوەی بۆ نزیکەی کاژێرێک، بۆردوومانی بەرزاییەکانی گوندی خەلیفان و گەلیی رەشی کرد."
بەڕێوەبەری شارۆچکەی سیدەکان باسی لەوەش کرد: بەو پێیەی لەم کاتەی ساڵدا ناوچەکان ئاوەدانییان لێ نییە، زیانی گیانی و ماڵی لە بۆردومانەکە نەکەوتووەتەوە.
هەروەها پێشتر لە ئێوارەی رۆژی 09-03-2020 فڕۆکەکانی تورکیا چەند بەرزاییێکی دۆڵی باڵەیانیان لە سنووری شارۆچکەی قەسرێ بۆردوومان کرد و بەهۆیەوە خانووی هاونیشتمانییێک لە گوندی ماونان ڕووخا.
کۆدی هەواڵنێر: ٦۰۱۰۳
بۆچوونی بەکارهێنەران