کوردپرێس: نزار یازجی وەزیری تەندروستیی سووریا گوتی: "هەموو رێکاره پێویستەکانمان له دەروازه سنوورییەکان و فڕۆکەخانەکان گرتووەتە بەر بۆ دڵنیا بوون له تەندروستیی ئەو هاووڵاتیانەی دەگەڕێنەوه و ناوەندێکی تایبەتیش له ناوچی "ئەلدوریر" له هاوینەهەواری دیمەشق بۆ ئەم مەبەسته کراوەتەوه".

یازجی راشیگەیاند: "به هاوکاریی رێکخراوی تەندروستیی جیهانی، تاقیگەیەکیان به ئامێری پێویستەوه داناوه بۆ هەر حاڵەتێکی گوماناوی به ڤایرۆسی کۆرۆنا. 1126 ناوەندی تەندروستیش بۆ هەموو سووریا بۆ چاودێریی نەخۆشییه گوازراوەکان تایبەت کراوه".

وەزیری تەندروستیی سووریا ئاماژەشی دا: "ژووری تایبەت له نەخۆشخانه و وەزارەتی خوێندنی باڵا و ناوەنده خزمەتگوزارییه پزیشکییەکان بۆ رووبەڕووبوونەوەی ڤایرۆسی کۆرۆنا دانراوه.

سەرچاوە: K24

کۆدی هەاڵنێر:60113