قلیچدار ئوغڵو: تورکیا کار بۆ شکاندنی سەروەریی سووریا دەکات
پوختەی هەواڵ
کوردپرێس:
کەمال قلیچدار ئوغڵوو سەرۆکی پارتی کۆماریخوازی گەلی تورکیا (CHP) لە لێدوانێکدا ڕەخنەی توندی لە سیاسەتەکانی تورکیا لەبارەی سووریاوە گرتووە و دەڵێت ئەو کارانەی تورکیا لە سووریا دەیکات لە پێناوشکاندنی سەروەریی ئەو وڵاتە و دابەش کردنی خاکی سووریایە.
ناوبراو زیادی کردووە: "ئێمە چ کارمان بە لیتاوی خۆرهەڵاتی ناوەڕاست داوە؟ ئەوەی عەقڵی هەبێت دەزانێت کە ئەم پرسیارە تا چ ڕادەیێک ڕاستە. ئێمە بۆ لەو لیتاوەداین؟ تورکیا چ کاری بە سوپای ئازاد داوە؟ بۆچی کار بۆ دابەش کردنی خاکی سووریا و شکاندنی سەروەریی ئەو وڵاتە دەکات؟"
بەگوێرەی نووسراوی ڕۆژنامەی هابەر تورک، قلیچدار ئوغڵو هەر لەو لێدوانەی خۆیدا ئاشکراشی کردووە کە تورکیا لە سووریا بۆتە دارەدەستی زلهێزەکان و ئاگای لە خۆیشی نیە و ئەوان چەندین جار ئەوەیان وتووە کە پشتگیری کردنی سوپای ئازادی سووریا لەباری دارایی و پڕچەککردن کارێکی هەڵەیە و ئێستا لەگەڵ تورکیان بەڵام کاتێک تورکیایان کێشایە نێو لیتاوەکە ئەوسا پشت لە تورکیا دەکەن.
کۆدی هەواڵنێر: 60101
بۆچوونی بەکارهێنەران