بەپێی هەواڵی کوردپرێس، مستەفا سەید قادر، جێگری سەرۆکی هەرێمی کوردستان، لە کۆبونەوەیێکدا لەگەڵ نەسروڵا رەشنوودی، کونسوڵی گشتیی کۆماری ئیسلامیی ئێران لە هەرێمی کوردستان ئاماژەى بەو پەیوەندییە مێژوی و دێرینە کرد کە هەرێم لەگەڵ کۆماری ئیسلامیی ئێران کۆ دەکاتەوە لەسەر هەردوو ئاستی حکوومەت و خەڵک و جەختی لەسەر پێکەوە کارکردنی هەموو لایێک کردوە بۆ پاراستنی ئارامی و ئاسایشی ناوچەکە.

جێگرى سەرۆکى هەرێم دووپاتی کردەوە کە؛ لە هەموو کاتێک زیاتر پێویستیمان بەوەیە یەکڕیزی بپارێزین و هەموو لایێک بەرپرسیارێتی بەرامبەر بە دۆخە سیاسییەکە هەڵبگرێت، بۆیە پشتگیری کردنی هەموو لایێک لە پاراستنی ئارامی و سەقامگیری دۆخە سیاسییەکە بەرز دەنرخێنین کە ئەوەش لە بەرژوەندیی هەموو لایەکە.

لەو کۆبونەوەیەدا کە لە ئۆفیسى جێگرى سەرۆکى هەرێم بەڕیوەچوو، کونسوڵی گشتی ئێران باسى لە گرنگى و گەشەکردنى پەیوەندیە توندوتۆڵەکانی کۆماری ئیسلامی ئێران و هەرێمی کوردستان کرد کە "مێژویێک لە فەرهەنگ و کەلتور و پەیوەندیی سیاسی و ئابووری و کۆمەڵایەتی هەردوو لابەیەکەوە گرێ دەدات.

سەرچاوە: سبەی

کۆدی هەواڵنێر: 60113