بەپێی هەواڵی کوردپرێس، ئەمڕۆ بەیانی لە کۆبوونەوەیێکی نائاسایدا زۆرینەی ئەندامانی ئەنجومەنی ئاسایشی نەتەوە یەکگرتووەکان داوای ئاگربڕیان لە باکووری ڕۆژئاوای سووریا کرد.

لەمبارەوە دۆیچەولە نووسی نوێنەرانی 13 وڵات لە 15 ئەندامی ئەنجومەنی ئاسایشی نەتەوە یەکگرتووەکان پشتیوانییان لە داوای ئانتێنیۆ گووترێز ئەمینداری گشتیی نەتەوە یەکگرتووەکان کردووە بۆ ڕاگرتنی شەڕ و پێکدادان لە باکووری سووریا و نزیکیی سنوورەکانی تورکیا.

دانیشتنە نائاساییەکەی ئەنجومەنی ئاسایشی نەتەوە یەکگرتووەکان لەسەر داوای ئەمەریکا، بەریتانیا، ئەڵمانیا، فەڕەنسا و ئستۆنی و پاش کوژرانی 33 سەربازی تورکیا لە ئیدلیب بەهۆی هێرشی ئاسمانیی سوپای سووریاوە ئەنجام درا.

شایانی باسە سوپای سووریا بە پشتیوانیی ڕووسیا ئۆپەراسیۆنێکی بەربڵاوی بۆ کونترۆڵ کردنەوەی ئیدلیب دەست پێکردووە.

کۆدی هەواڵنێر: 60113