بەپێی هەواڵی کوردپرێس، تورکیا لە ماوەی ئەم چەند ڕۆژەدا کاردانەوەی بە پێشڕەوییەکانی هێزی حکوومەتی ناوەندیی سووریا لە ئیدلیب نیشان داوە و هێزی زیاتری ڕەوانەی ئەو ناوچانە کردووە و بنکەی سەربازانی حکوومەتی سووریای بۆردوومان کردووە.

ڕێکخراوی کاروباری ئاسایش و نێونەتەوەیی ئەڵمانیا ڕاپۆرتێکی لەمبارەوە بڵاو کردەوە دەڵێت هۆکاری پشتگیریییەکانی تورکیا لە سەربزیوانی ئیدلیب ئەمەیە کە تورکیا بۆ ڕووبەڕووبوونەوەی کوردەکان پێویستی بەو هێزانەیە.

ڕێکخراوەکە ئاماژەی بەوەش داوە کە تورکیا بۆ کونترۆڵی باکووری سووریا و دەرکردنی هێزە کوردەکانی سووریا لەو ناوچانە، کەڵکی لە هێزەکانی ئیدلیب وەرگرتووە و هۆکاری پشتگیرییەکانی تورکیا لەم هێزانەیش تەنها بۆ ڕووبەڕووبوونەوەی کوردەکان و گەیشتن بە ئامانجەکانی لە لیبیایە.

کۆدی هەواڵنێر: 60113