بەپێی هەواڵی کوردپرێس، جەعفەر مستەفا بە تەلەفیزیۆنی ئێن ئاڕ تی-ی رایگەیاندووە چارەسەری کێشەکان پەیوەندیی بە یەکڕیزی لایەنەکانەوە هەیە، یەکریزیش لە هەرێمی کوردستان پەیوەندی بە یەکریزیی پارتی و یەکێتیەوە هەیە.

لە بارەی رێککەوتنی هەرێم و بەغداشەوە ناوبراو دەڵێت هەوڵی جدی هەیە بۆ رێکەوتن لەگەڵ بەغدا، بەڵام بەغدا ئێستا لایەنێکی خاوەن بڕیاری نییە.

جێگری سەرۆکی هەرێمی کوردستان ئاماژەی بەوەش کرد، دواکەوتنی مووچەی لیوا هاوبەشەکان پەیوەندیی بە فشار بۆ یەکخستنەوەی هێزەکانی پێشمەرگەوە نییە، یەکێتی دەستپێشخەری دەکات بۆ یەکخستنەوەیان، بەڵام ئەوە کارێکی قورسە و کاتی دەوێت.

جەعفەر مستەفا دەشڵێت، رێگری زۆرە و پیلانگێڕی هەیە لەسەر یەکنەخستنەوەیان.

ناوباو ئەوەشی خستەڕوو، لەبەر بەرژەوەندیی خەڵک نەیانتوانیوە لە سەرەتاوە ڕووبەڕووی سنووربەزاندنی پارتی ببنەوە.

کۆدی هەواڵنێر: 60113