وەزیری دەرەوەی ئەمریکا: بەردەوام دەبین لە هاوکاری کردن لەگەڵ کوردی عێراق و سووریا بۆ بەرەنگاربوونەوەی داعش
پوختەی هەواڵ
کوردپرێس:
ئاسۆشیتێدپرێس لەو هەواڵێکدا ڕایگەیاند ئانتۆنی بلینکەن وەزیری دەرەوەی ئەمریکا لە بەیاننامەیێکدا گوتوویەتی: پێش دوو ساڵ هاوپەیمانیی دژەداعش شان بە شانی شەریکە خۆجێیییەکانی خۆی و لەوان هێزە عێراقییەکان و پێشمەرگە کوردەکان و هێزەکانی سووریای دیموکرات و بە سەرکردایەتیی کوردەکان ناوچەکانی بندەستی داعشیان ئازاد کرد ئەوەش خاڵێکی وەرچەرخان بوو لە شکستهێنانی ئەو گرووپە تیرۆریستییە.
ناوبراو زیادی کرد: ئێمە ستایشی قارەمانێتی و قوربانیدانی هێزە ئەمنییەکانی عێراق و پێشمەرگە و هێزەکانی سووریای دیموکرات لە شەڕی دژواری داعش دەکەین.
ئانتۆنی بلینکەن هەر لە بەیاننامەکەیدا جەختی کردۆتەوە کە ئەمریکا بەردەوام دەبێت لە هاوکاری کردن لەگەڵ ئەو هێزانە بۆ شکست پێهێنانی شانە نووستووەکانی داعش چوونکە ئەمریکا بە تەواوی پێبەندە بە هاوکاری کردن لەگەڵ هاوپەیمانیی جیهانی بۆ شکست پێهێنانی بە تەواوەتیی داعش.
بۆچوونی بەکارهێنەران