کوردپرێس: جه‌بار یاوه‌ر ئه‌مینداری گشتیی وه‌زاره‌تی پێشمه‌رگه‌ی کوردستان له‌ پرێس کۆنفرانسێکدا ڕایگه‌یاند: داعش هه‌ر ماوه‌ ته‌نها خه‌لافه‌ته‌که‌ی نه‌ماوه‌ و به‌شێوازیی گرووپی بچووک کارده‌که‌ن و کرده‌وه‌ی "تیرۆریستی" ئه‌نجام ده‌ده‌ن.

ناوبراو وتیشی، به‌پێی ئامارێکیان له‌ساڵی 2018دا داعش 456 کرده‌ی تیرۆرستی ئه‌نجام داوه‌، که‌ تێیدا هه‌زار و 742 که‌س شه‌هید و بریندار و رفێندراو هه‌یه‌، به‌ڵام له‌ساڵی 2019دا داعش 238 کرده‌ی "تیرۆرستی"ی ئه‌نجام داوه‌، که‌ تێیدا هه‌زار و 58 بریندار و ڕفێندراو و شه‌هیدی تێدایه‌.

ئاماژه‌ی به‌وه‌ش دا، داعش هێشتا هه‌ڕه‌شه‌یه‌ له‌سه‌ر وڵاتانی جیهان، مه‌ترسیه‌کانی هه‌رێمی کوردستان و عێراقیش ده‌گرێته‌وه‌ و به‌رده‌وامن له‌ ئه‌نجامدانی کرده‌وه‌کانیان.

کۆدی هەواڵنێر: 60113