بەپێی هەواڵی کوردپرێس، پەروین بوڵدان هاوسەرۆکی هەدەپە لە وتەکانیدا باسی مەسەلەی کوردی لە تورکیا هێنایە ئاراوە و ڕایگەیاند: لەگەڵ پارتی داد و گەشەپێدان ناتوانرێت باسی هیچ پڕۆژەیێکی ئاشتی لە وڵات بکرێت، ئێمە ئاشتیی ڕاستەقینە لەگەڵ کورد و تورک و عەرەبەکان دەستەبەر دەکەین.

ناوبراو وتیشی: ئاکپارتی لە ماوەیێکی زۆر کورتدا دەڕوات، ئەم حزبە لە ئێستادا تووشی لێکترازانە و بووەتە سێ بەرەوە. ئەوان یەکتریان قبووڵ نییە و خێراتر کردنی لادانی ئاکپارتی لە دەستی ئێمە و ئۆپۆزیسیۆنی تورکیایە.

پەروین بوڵدا زیادی کرد ئاکپاراتی کورد بە باشی نانانسێت و دژ بە دەسکەوتەکانی کورد شەڕی دەست پێکردووە. هزرێک هەیە دژی پێگەی کوردە. تەنها خەڵکی تورکیا دەتوانن ڕێگە لەو شەڕە بگرن. ئێمە دەزانین کە خەڵکی تورکیا شەڕیان پێباش نییە و دژی شەڕ دەوەستنەوە.

کۆدی هەواڵنێر: 60113