YPG ئێستاش کار بۆ دەستەبەرکردنی ئیدارەی خۆسەر دەکات
پوختەی هەواڵ
کوردپرێس:
دوکتور عومەر تاشپینار مامۆستای زانکۆی بەرگریی نیشتمانیی ئەمریکا وتارێکی لە ماڵپەڕی سندیگیت بڵاو کردۆتەوە و لە وتارەکەیدا نووسیویەتی ئەوەی دەڵێن کورد لەلایەن وڵاتانی ڕۆژئاوایییەوە پەراوێز خراوە یان پشتی لێکراوە و خەیانەتی لێکراوە لە ڕووی ئەو پێشهاتە سیاسییە حەقێقییانەوەیە کە دێتە ئاراوە و دیارە بەردەوام خەیانەتی دیکەشیان لێدەکرێت.
بەوەشەوە دوکتور تاشپینار بڕوای وایە پێگەی کوردی سووریا و عێراق بەحوکمی سەرکەوتنەکانیان لە شەڕی دژبەداعش، بەهێزتر بووە و ئێستا شەرعیەتی نێودەوەڵەتییان دەست کەوتووە و بۆیەش هەندێک لایەنی کوردیی وەک YPG کار بۆ ڕێڤەبەریی خۆسەر دەکەن.
نابراو ئاماژەی بە کوردەکانی تورکیاش کردووە کە سەرباری ئەوەی لەلایەن دەوڵەتی تورکیاوە گرتن و بەستن و سنووردارکردنیان بەردەوامە دیسان لە هەڵبژاردنەکاندا سەرکەوتن مسۆگەر دەکەن و قورسایییان لە ساحەی سیاسیی تورکیا هەیە.
دوکتور تاشپینار لەو قەناعەتەشدایە کە کوردەکان بە بۆنەی بەرژەوەندیی جیۆستراتێژیکی ڕۆژئاوا و واقیعی سیاسییەوە خەیانەتیان لێدەکرێت بەڵام نابێت ئەوەش لەبیر بکەین کە ڕای گشتیی ڕۆژئاوا تا ڕادەیێکی زۆر پشتگیریی کوردی سووریا و تورکیا دەکات.
بۆچوونی بەکارهێنەران