هاوپەیمانان چەند حەشارگەیێکی داعشیان بۆردوومان کرد
پوختەی هەواڵ
بەشی عێراق و هەرێمی کوردستان- فڕۆکە جەنگیەکانی سەربە هاوپەیمانی نێودەوڵەتی چەند هێرشێکی ئاسمانییان کردە سەر حەشارگەکانی داعش لە ناوچەی حەویجە و تلکێف.
کوردپرێس: لەوبارەیەوە، وەزارەتی بەرگریی عێراق لە بەیاننامەیێکدا رایگەیاند: "فڕۆکەکانی هاوپەیمانی نێودەوڵەتی کۆمەڵێک هێرشی ئاسمانیان لە ناوچەکانی حەویجە و تەلکێف لە دژی ئەندامانی داعش لەو ناوچانە ئەنجام دا".
راگەیەنراوەکە ئاماژەی بەوەش کرد، بۆردوومانەکە بووە هۆی لەناوبردنی ژمارەیێک لە حەشارگە و تونێلی ژێر زەوی سەر بەڕێکخراوەکە.
روونیشی کردەوە "ئەو بۆردوومانە لەسەر بڕیاری فەرمانگەی ئۆپەراسیۆنە هاوبەشەکانی عێراق و بەهاوبەشی هێزەکانی هاوپەیمانانی نێودەوڵەتی و سوپای عێراق بۆ لە ناوبردنی تیرۆرستان ئەنجام دراوە".
کۆدی هەواڵنێر: 60113
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران