هەناردەی نەوت لە بۆری هەرێم - توركیا دەستی پێكردەوە
پوختەی هەواڵ
بەشی عێراق و هەرێمی کوردستان- ئەمشەو جارێكی دیكە هەناردەكردنی نەوتی هەرێمی كورستان لە بۆری هەرێم-توركیا دەستیپێكردەوە.
بەپێی هەواڵی کوردپرێس، وەزارەتی سامانە سروشتییەكانی هەرێم ئەمڕۆ لە راگەیەنراوێكدا رایگەیاندووە، دوای ئەوەی بەهۆی بوومەلەرزەكەی توركیاوە هەناردەی نەوتی هەرێم راگیرا، ئەمشەو كاتژمێر 9:45ی هەناردەكردنی نەوتی هەرێمی كورستان لە بۆری هەرێم - توركیا دەستی پێكردەوە.
شایانی باسە سەرلەبەیانی ڕۆژی دووشەممە 6ی شوباتی 2023 بەهۆی ئەو بوومەلەرزەیەی هەردوو وڵاتی توركیا و سووریای گرتەوە، هەناردەكردنی نەوتی هەرێم لە بەندەرەكانی توركیا ڕاگیرا.
بۆچوونی بەکارهێنەران