ڕێوڕەسمی دەستبەکاربوونی سەرۆک کۆماری نوێی عێراق بەڕێوەچوو
پوختەی هەواڵ
بەشی عێراق و هەرێمی کوردستان- بەبێ ئامادەبوونی سەرۆک کۆماری پێشووی عێراق؛ لەتیف ڕەشید، وەک سەرۆک کۆماری عێراق دەستبەکاربوو.
بەپێی هەواڵی کوردپرێس، ئەمڕۆ دووشەممە 17-10-2022 لەتیف ڕەشید، سەرۆک کۆماری نوێی عێراق لە وتاری دەستبەکاربوونیدا ڕایگەیاند: "بەڵێن دەدەم پابەندی دەستوور بم و سەروەریی عێراق بپارێزم و پەرە بە پەیوەندییەکانمان لەگەڵ وڵاتانی دراوسێ و ناوچەکە و جیهان دەدەین".
ناوبراو وتیشی، "هەموو هەوڵێک دەدەم بۆ لێکنزیکبوونەوەی لایەنە سیاسییەکان و هیوادارم بەزووترین کات حکوومەتی نوێی عێراق پێکبهێنرێت".
ئەوەی کە جێی ئاماژەبوو و کاردانەوەی لێکەوتەوە، لە ڕێوڕەسمی دەستبەکاربوونی لەتیف ڕەشیددا، بەرهەم ساڵح، سەرۆک کۆماری پێشووی عێراق ئامادە نەبوو.
بۆچوونی بەکارهێنەران