کوردپرێس:

بەکر فەقێ بەڕێوەبەری راگەیاندنی وەزارەتی پێشمەرگە بە ماڵپەڕی فەرمی پارتی راگەیاندووە، بڕیارە شاندێکی ئەمنی حکومەتی عێراق سەردانی ھەرێم بکات و ئەوانیش چاوەڕێی ھاتنی ئەو شاندەن، کە بڕیارە لەسەر کۆمەڵێک پرس گفتوگۆ بکەن.

ئاماژەی بەوەشکردووە، مەبەستی ھاتنی ئەو شاندەی عێراق بۆ گفتوگۆکردنە لەبارەی ناوچە کوردستانییەکانی دەرەوەی ئیدارەی ھەرێمی کوردستان، کە بڕیار دراوە ھەماھەنگی ھەبێت لەو ناوچانە و ژووری ھاوبەش ھەبێت و ھێزی ھاوبەش لە بازگەکان دابنرێت لەگەڵ گەڕانەوەی ھێزی پێشمەرگە بۆ ھەندێک شوێنی دیاریکراو.

ئەوەش لەکاتێکدایە، بەهۆی هەبوونی بۆشایی ئەمنییەوە، جموجوڵی گروپە چەکدارەکان لە ناوچە کێشە لەسەرەکان زیادی کردوە و بەوهۆیەوە چەند جارێک شاندی ئەمنی هەرێم و بەغدا کۆبوونەوەتەوە بۆ زیادکردنی هەماهەنگی لە نێوانیاندا.

*لە ئێن ئاڕ تی وەرگیراوە