چوارچێوەی هەماهەنگی بە بێ ڕێککەوتن لەگەڵ ڕەوتی سەدر حکوومەت پێکناهێنێت
پوختەی هەواڵ
بەشی عێراق و هەرێمی کوردستان- ئەندامێکی هاوپەیمانیی فەتح ڕایدەگەیەنێت چوارچێوەی هەماهەنگی بە بێ ڕێککەوتن لەگەڵ ڕەوتی سەدر حکوومەت پێکناهێنێت.
بەپێی هەواڵی کوردپرێس، مەحموود ئەلحیانی لە گفتوگۆ لەگەڵ ئاژانسی «النعلومە» دا وتیشی: بە ئاوڕدانەوە لە قەیرانی سیاسیی ئێستای عێراق ئەنجومەنی نوێنەران ناتوانێت حکوومەت پێک بهێنێت.
ناوبراو زیادی کرد: جێبەجێ کردنی خواستی سەرکردەی ڕەوت و حزبە سیاسییەکان لەلایەن نوێنەرانی پەرلەمانەوە یارمەتی چارەسەر کردنی کێشەکانی وڵات نادات.
مەحموود ئەلحیانی ئەوەشی ڕاگەیاند کە ئێمە وێڕای پێشوازی کردن لە هەڵویستی ئەمدواییەی پارتی دیموکراتی کوردستان و هاوپەیمانیی سونەکان جەخت لە بەرەوپێش بردنی پڕۆسەی پێکهێنانی حکوومەتی نوێی عێراق دەکەین بەڵام چوارچێوەی هەماهەنگی بە بێ ڕێککەوتن لەگەڵ ڕەوتی سەدر حکوومەت پێکناهێنێت.
بۆچوونی بەکارهێنەران