لە سلێمانی بەهۆی تەقینەوەی سیستمی غاز لە کافتریایەک 14 کەس برینداربوون
پوختەی هەواڵ
بەشی عێراق و هەرێمی کوردستان- بەهۆی تەقینەوەی سیستمی غاز لە کافتریایەکی شەقامی سالمی سلێمانی 14 کەس برینداربوون کە بەشێکیان برینەکانیان سەختە.
بەپێی هەواڵی کوردپرێس، سامان لەتیف، گوتەبێژی تەندروستیی سلێمانی بە تۆڕی میدیایی رووداوی راگەیاند، ژمارەی بریندارەکانی ئەو تەقینەوە کە بەرەبەیانیی ئەمڕۆ پێنجشەممە، 12-5-2022، ڕوویدا گەیشتوونەتە 14 بریندار؛ چوار لە بریندارەکان بەهۆی سووکیی برینەکانیان رەوانەی ماڵەوە کراون، ئەوانی دیکە لە نەخۆشخانەن، بەڵام چوار کەسیان پێویستیان بە نەشتەرگەرییە.
تیمەکانی بەرگریی شارستانی تاوەکو ئێستا سەرقاڵی گەڕانن لەژێر داروپەردووی رووخاوی باڵەخانەکەدا بۆ ئەوەی دڵنیابنەوە کە هیچ کەسێک لەژێر باڵەخانەکەدا نەماوە.
بۆچوونی بەکارهێنەران