بەپێی هەواڵی کوردپرێس، فراکسیۆنى گۆڕان لە پەرلەمانی هەرێمی کوردستان لەسەر هێرشی سوپای توركیا بۆ سەر هەرێمی كوردستان، ڕایگەیاند: چەندین جارە فڕۆکەکانى تورکیا سەروەرىی هەرێم و عێراق دەبەزێنێ، بە تۆپباران کردنى ناوچەکانى هەرێمى کوردستان و وێران کردنى گوندەکان و زیانگەیاندن بە ئابوورى کشتوکاڵى دێهاتەکان.

ئاماژەی بەوەکردووە کە شەڕ چارەسەرى کێشەکان ناکات و دەبێت لە هەرێمى کوردستان و عێراق هەڵوێستى دامەزراوە شەرعییەکان ئاشکرا و ڕوون بێت و مامەڵەى حیزبیانە لەگەڵ ئەو کێشەیە نەکرێت، چوونکە ئەمە پرسێکى نیشتمانى و نەتەوەیى و سەروەرییە.

فراکسیۆنی بزووتنەوەی گۆڕان لە یاداشتەکەدا داوای کردووە، دامەرزراوە شەرعییەکانى هەرێمى کوردستان، وەک دژایەتى بۆشەڕ و بەدیهێنانى ئاشتى و سەقامگیرى بۆ ناوچەکە و ڕێزدانان بۆ مافى مرۆڤ و مافى میللەتان، هەڵوێستیان هەبێت.