بەپێی هەواڵی کوردپرێس، به‌گوێره‌ی ڕۆژنامه‌ی زه‌مانی تورکی، ره‌جه‌ب ته‌ییب ئەردۆغان، که‌مال کلیچدار ئۆغڵو سه‌رۆکی به‌ره‌ی ئۆپۆزسیۆنی وڵاته‌که‌ی تۆمه‌تبار کردووه‌ به‌وه‌ی که‌ سووکایه‌تی به‌ "سه‌رۆک"ی وڵات کردووه‌ و له‌و ڕوه‌شه‌وه‌ په‌نای بردوه‌ته‌ به‌ر دادگا و له‌به‌رامبه‌ر ناوزڕاندنی داوای قه‌ره‌بووی کردووه‌.

هه‌ر به‌گوێره‌ی رۆژنامه‌که‌، "سکاڵاکه‌ له‌سه‌ر بنه‌مای قسه‌کانی کلیچدار ئۆغڵو له‌ کۆبوونه‌وه‌ی کوتله‌ی په‌رله‌مانی حزبه‌که‌ی له‌ 22ی ئازار تۆمارکراوه‌ و که‌ له‌ 31ی ئازاریشدا له‌ تویته‌ر بڵاو کراوه‌ته‌وه‌".

کیلیچدار ئۆغڵو پێشتر له‌کۆبوونه‌وه‌یه‌کدا په‌یامێکی بۆ ئەردۆغان نارد و وتی: "تۆ ئابوریناس نیت، به‌ڵام تۆ بوویت به‌ وه‌رگری پاره‌ی پێنج چه‌ته‌که‌، هه‌روه‌ها بوویت به‌ کۆکه‌ره‌وه‌یه‌کی پاره‌ی خه‌ڵک"، ده‌سته‌واژه‌ی (پێنج چه‌ته‌که‌) زاراوه‌یه‌ک که‌ له‌لایه‌ن ئۆپۆزیسیۆنی تورکیاوه‌ به‌کارده‌هێندرێت وه‌ک ئاماژه‌یه‌ک بۆ 5 کۆمپانیای تورکی که‌ زۆربه‌ی ته‌نده‌ره‌کانی حکوومه‌ت به‌ ره‌زامه‌ندی ئەردۆغان وه‌رده‌گرن.