بەپێی هەواڵی کوردپرێس، لە ئاگاداریییەکی کونسوڵگەی ئەمریکا لە هەرێمی کوردستان هاتووە، بۆ ئەو کارسازانەی لە هەرێمی کوردستان کار دەکەن ئاژانسی ویلایەتە یەکگرتووەکانی ئەمریکا بۆ پەرەپێدانی نێودەوڵەتیUSAID و ڕێکخراوی تۆپ ماونتن Top Mountain پڕۆژەیەکی گەشەپێدانی بزنسی تایبەت بە بواری کشتوکاڵیان دەستپێکردووە.

کونسوڵگەی ئەمریکا باسی لەوەش کردووە، ئەو پڕۆژەیە بۆ هاریکاری کردنی بزنسی بچووک و مامناوەندانەیە لە بواری کشتوکاڵیدا کاردەکەن بۆ ئەوەی گەشە بە بزنسەکانیان بدەن لە هەرێمی کوردستان.

بەپێی ئاگادارییەکەی کونسوڵگەی ئەمریکا ئێستە داواکاری پێشکەش کردن بۆ سێتی یەکەمی بەخشینە داراییەکان کراوەتەوە. هەر ئەمڕۆ داواکاری پێشکەش بکەن لە ڕێی کردنەوەی ئەم لینکەی خوارەوە کە بە کوردی و عەرەبی و ئینگلیزیش بەردەستە. داواکاری پێشکەش کردن لە 31 ی ئەم مانگە کۆتای دێ.