سەرۆک کۆماری عێراق و باڵیۆزی بەریتانیا لە عێراق؛ کۆ بوونەوە
پوختەی هەواڵ
بەشی عێراق و هەرێمی کوردستان- بەرھەم ساڵح، سەرۆک کۆماری عێراق پێشوازیی کرد لە مارک برایسۆن ریتچاردسۆن، باڵیۆزی بەریتانیا لە عێراق.
بەپێی هەواڵی کوردپرێس، لەدیدارەکەدا گفتوگۆکراوە لەبارەی پەیوەندییە دووقۆڵییەکانی نێوان هەردوو وڵات و گرنگی کارکردن بۆ بەهێزکردنی پەیوەندییەکان لەبوارە جیاجیاکان و پتەو کردنی هەماهەنگی و ھاوکاری نێوان هەردوولا بە ئاڕاستەی چەسپاندنی ئاشتی و سەقامگیری لە ناوچەکەدا.
لە بەشێکی دیکەی دیدارەکەدا سەرۆک کۆماری عێراق جەختی کردەوە لەگرنگی پتەوکردنی ئاسایش و سەقامگیری و کەمکردنەوەی بارگرژییەکانی ناوچەکە لە رێگەی پشتیوانی لە دیالۆگ و لێکنزیکبوونەوە.
ھەروەھا دووپاتی کردەوە لە رۆڵی گرنگی عێراق لە ناوچەکەدا و پاراستنی ئاسایش و سەقامگیری عێراق وەک بنەمایەکی گرنگی ئاسایش و ئارامی ناوچەکە.
بۆچوونی بەکارهێنەران