هادی عامرى: کۆبوونەوەکەمان لەگەڵ موقتەدا سەدر ئیجابى بوو
پوختەی هەواڵ
بەشی عێراق و هەرێمی کوردستان- هادى عامرى سەرۆکى هاوپەیمانى فەتح رایگەیاند، کۆبوونەوەکەیان لەگەڵ موقتەدا سەدر ئیجابی بووە.
بەپێی هەواڵی کوردپرێس، هادی عامرى لە بەیاننامەیەکدا ئاماژەى بەوەکردووە، کۆبوونەوەکە ئیجابی و بەرپرسیارانە بووە و بەرژەوەندى دەوڵەتێکى بەهێز سەرکەوتنى قۆناغى داهاتوو زاڵ بووە بەسەریدا، لەچەند رۆژى داهاتوودا کۆبوونەوەى دیکە لەنەجەف دەکرێت.
پێشتر موقتەدا سەدر، ڕێبەری ڕەوتی سەدر ڕایگەیاند، هەڵوێستى ئەوان پێکهێنانى حكوومەتێكی زۆرینە و نیشتمانییە، نە ڕۆژهەڵاتی و نە ڕۆژئاوایی.
چوارچێوەی ھەماھەنگیی ھەریەک لە ھاوپەیمانیی دەوڵەتی یاسا، ھاوپەیمانیی ھێزەکانی دەوڵەت، ھاوپەیمانیی فەتح، بزووتنەوەی عەتا، بزووتنەوەی حقوق و پارتی فەزیلە لەخۆدەگرێت.
بۆچوونی بەکارهێنەران